8/10 abstracción!. OBRADOIRO JUNIOR DE CREACIÓN AUDIOVISUAL
OBRADOIRO JUNIOR DE CREACIÓN AUDIOVISUAL
Co artista Din Matamoro
Para participantes de entre 8 e 10 anos
GRATUÍTO, PREVIA INSCRICIÓN (prazas limitadas a 10 participantes, por orde de inscrición)
+ INFO e fichas inscrición en comunicacion@marcovigo.com ou en taquilla
A partir do martes 2 de xullo, e durante catro días consecutivos, o MARCO ofrece a nenos/as de entre 8 e 10 anos a posibilidade de participar nun obradoiro de creación audiovisual dirixido polo artista Din Matamoro. O obxectivo é explorar a beleza e posibilidades creativas da forma, a cor, o movemento e o son, e o resultado serán curtametraxes abstractas de pouca duración, creadas conxuntamente polos participantes.
A iniciativa xorde no contexto do Festival PUNTO y RAYA. Arte Abstracto en Movimiento, e concretamente na súa variante Punto y Raya JUNIOR, dirixida a participantes menores de 13 anos. Así, as curtametraxes resultantes serán enviadas para a súa participación e selección na convocatoria 2019 do Festival, na categoría Medium (de 8 a 10 anos). https://www.puntoyrayafestival.com/es/tv/junior/call
INFORMACIÓN E INSCRICIÓNS
Calquera persoa interesada debe solicitar a ficha de inscrición e formulario de autorización para participación a través do email comunicacion@marcovigo.com, ou directamente na taquilla do MARCO.
