MARCO

Anna Cestelli Guidi formouse como historiadora da arte en Roma e Berlín, e especializouse na transformación da teoría, a práctica expositiva e as estruturas museolóxicas das décadas de 1960 e 1970. En 1997 publicou un traballo sobre documenta, La documenta di Kassel. Percorsi dell'arte contemporanea, que segue sendo o único traballo de investigación histórica sobre a exposición escrito en italiano. Traballou en varias institucións españolas, entre as que destacan o CGAC de Santiago de Compostela, o MACBA e a Fundació Metrònom de Barcelona. Dende 2005 é directora do programa de artes visuais na Fondazione Musica per Roma, Auditorium de Roma. Creou o proxecto "Fluxus Biennial" (2010-2011) e comisariou as series de performances e concertos que acompañaban o ciclo de exposicións. Ademais das numerosas exposicións que ten comisariado no Auditorium, puxo en marcha o proxecto Sound Corner, que se leva a cabo unha vez ao mes, así como o programa de exposicións One Space/One Sound, de periodicidade anual.