rss feed Imprime esta páxina Envía esta páxina

Gerardo Mosquera

Crítico, historiador da arte e comisario independente, Gerardo Mosquera reside na Habana. É
curador adxunto do New Museum of Contemporary Art, Nova York; asesor da Academia de Belas
Artes do Estado de Holanda; membro dos consellos editoriais das revistas Art Nexus, Atlántica,
Calabar, Ideas & Ensaios, Nka e Third Text. Fundador da Bienal de La Habana e membro do equipo
organizador das súas tres primeiras edicións: 1984, 1986 e 1989.

Entre as súas exposicións máis recentes, inclúense ‘States of Exchange', INIVA, Londres, 2008; ‘La
cuadratura do Cono. Border Jam', Museo Nacional de Artes Visuais, Museo Municipal Juan Manuel
Blanes, Centro Cultural de España, Museo y Archivo Histórico Municipal (Cabido), espazo público,
Montevideo, 2007; ‘Transpacífico. Un encontro en Santiago', Centro Cultural Palacio de La Moneda,
Santiago de Chile, 2007; Liverpool Biennial International 2006; ‘Cordially Invited', BAK e Museo
Central de Utrecht, 2004; ‘Panorama da Arte Brasileira (Desarrumado). 19 Desarranjos', Museu da
Arte Moderna, São Paulo, 2003, Paço Imperial, Río de Janeiro, 2003, Museo de Arte Moderna Aloísio
Magalhães, Recife, 2004, MARCO, Museo de Arte Contemporánea de Vigo, 2005;
‘CiudadMúltipleCity. ArtePanamá 2003' (proxecto internacional de arte urbana); ‘Territorios
ausentes', Casa de América, Madrid, 2000; ‘No es sólo lo que ves. Pervirtiendo el minimalismo',
Centro de Arte Reina Sofía, Madrid, 2000; ‘Cildo Meireles', New Museum, Nova York, 1999; ‘Cinco
continentes y una ciudad', Museo de la Ciudad de México, 1998 e 2000; ‘Important & Exportant', II
Bienal de Johannesburgo, 1997; ‘Wifredo Lam', XXIII Bienal de São Paulo, 1996; ‘Ante América',
Biblioteca Luis Angel Arango, Bogotá, 1992, Museo Alejandro Otero, Caracas, 1993, Queens
Museum, Nova York, 1993, Centro Cultural de la Raza, San Diego, 1993, Yerbabuena Center for the
Arts, San Francisco, 1994, Spencer Museum, University of Kansas, Lawrence, 1994, Museo de Arte y
Diseño Contemporáneo, San José, 1994.

Entre as súas publicacións, destacan Copiar el edén. Arte reciente en Chile (editor), Santiago de
Chile, 2006; ciudadMULTIPLEcity. Urban Art and Global Cities: an Experiment in Context (co editor),
Amsterdam, 2005; Over Here. International Perspectives on Art and Culture (co editor), Cambridge
e Londres, 2004; Beyond the Fantastic. Contemporary Art Criticism from Latin America (editor),
Londres, 1995; Contracandea, Caracas, 1995; Del pop al post (editor), A Habana, 1993; El diseño
se definió en Octubre, A Habana, 1989, Bogotá, 1992. Ademais, Gerardo Mosquera publicou máis de
600 ensaios, artigos e comentarios en libros, catálogos e publicacións periódicas de moitos países.
Organizou e participou en numerosos simposios internacionais, e ditou conferencias e seminarios en
universidades e outras institucións dun centenar de cidades. Recibiu a Bolsa Guggenheim, Nova
York, en 1990, e o premio aos dez mellores libros publicados en Cuba ese mesmo ano. En 1998 o
capítulo arxentino da Asociación Internacional de Críticos de Arte elixiuno como crítico
latinoamericano de máis importante traxectoria (ex aequo con Paulo Herkenhoff).