Horacio Fernández
Horacio Fernández, na actualidade director artístico de PhotoEspaña, é historiador da arte e profesor titular na especialidade de Historia da Fotografía na Universidade de Castilla-La Mancha. Organizou exposicións sobre historia da fotografía entre as que cabe salientar Mexicana. La fotografía moderna en México 1923-1940 (IVAM, Valencia, 1998) ou Fotografía pública (MNCARS Museo Nacional Centro de Arte Reina Sofía, Madrid, e Museo de Bellas Artes, Bilbao, 1999), cun catálogo como principal publicación. Colaborou como crítico de arte contemporánea en xornais como El Mundo e revistas como Buades, El Europeo e Kalias, e publicou multitude de ensaios sobre arte e fotografía.
