rss feed Imprime esta páxina Envía esta páxina

Álvaro de la Vega


Álvaro de la Vega
(Paradela, Lugo, 1954) cursa estudos de Belas Artes en Barcelona, sendo a pintura nesta fase formativa o seu medio de expresión habitual, con influencias da fotografía, a banda deseñada e mesmo o graffiti. De novo en Galicia, comeza a explorar a linguaxe escultórica, tomando como punto de partida as figuras humana e animal. O uso da pintura como medio para potenciar o valor expresivo da escultura será característico destas primeiras obras en madeira. Ao mesmo tempo que se vai consolidando a súa linguaxe escultórica, o artista experimenta con outros materiais, como o ferro, a cerámica ou a pedra, materias todas elas vencelladas á natureza e ás profesións tradicionais. A interrelación espazo-obra-espectador constituirá o eixo principal do seu discurso artístico. Con presenza en importantes galerías e institucións, a súa obra forma parte hoxe de destacadas coleccións públicas e privadas.