MARCO

(Almada, Portugal, 1979)

Nas obras de Pedro Barateiro -fotografías, colaxe, debuxos, películas, obxectos, instalacións- subxace un interese por investigar a interpretación, a apropiación ou os usos da imaxe e, aínda que non dunha forma puramente literaria, o texto enténdese como parte inseparable desta. Na Bienal de Sidney de 2008 presentou Eighty Two Poems, oitenta e dous videopoemas para ser exhibidos, un por día, ata a clausura da exposición. En Composição, presentada en 2007 na Galería Pedro Cera de Lisboa, parte de imaxes de propaganda realizadas durante o Salazarismo, en Portugal, para reflexionar sobre o uso do cinema na creación de discursos totalitarios.

O material documental e a ficción conxúganse no seu traballo, sempre a partir de referencias históricas ou literarias, da perda de referentes ou de referencias á autoría, como no caso das fotografías intervidas tomadas das páxinas das revistas francesas Cahiers du Cinéma e Positif. Sobre a cuestión do espazo e a representación -ou construción- deste, tratan series como Psychogeographical Maps ou a película Travelogue, 2006, que supón unha continuación dos mapas psicogeográficos e que inclúe fragmentos de documentais sobre o desenvolvemento de cidades nas antigas colonias portuguesas Angola e Mozambique. ‘Unha parte do meu traballo recente ten moita relación coa arqueoloxía, pola apropiación que fago das imaxes e os métodos de montaxe que aplico', comenta o artista; ‘estou interesado na abstracción e nos procesos de deconstrucción da historia'. Na 5ª Bienal de Berlín (2008) presentou The Naked City/A Cidade Núa, cunha publicación e dúas estruturas situadas na rúa, que reproducían dúas paradas de autobús existentes no seu día na Unión Soviética que reconstrúe a partir de fotografías e que, no contexto da Bienal, adquiren un carácter escultórico. En Amanhã não nasce ninguén, a nova produción que presenta no MARCO, o artista usa imaxes en 16 mm filmadas por el mesmo nas súas visitas aos antigos estaleiros de Lisnave (Lisboa) e Vigo.

Pedro Barateiro naceu en Almada en 1979. Obtivo un MFA in Visual Arts en Mälmo Art Academy, Suecia (2006) e frecuentou a Escola Maumaus en Lisboa (2002- 2004) despois de licenciarse na ESTGAD (Caldas da Rainha). Ensaios para uma Pintura Sonora foi a súa primeira exposición individual na Galeria Pedro Cera, Lisboa (2003), onde posteriormente presentou No Limite do Mundo (2005) e Composição (2007). Outras mostras individuais do artista son What are we doing here?, Spike Island, Bristol (2005), Estrutura Social, Sala do Veado, Lisboa (2007) e Domingo, Pavilhão Branco, Museu da Cidade, Lisboa (2008). Entre as colectivas destacan 16th Biennale of Sydney. Revolutions: Forms that turn, Sidney (2008), 5th Berlin Biennial. When things cast no shadow, Berlín (2008), Lugares comprometidos. Topografía y actualidad, Fundación ICO, PhotoEspaña, Madrid (2008), Art Premiere, (con Ricardo Valentim), Art 39 Basel, Basilea (2008), STREAM, White Box, Nova York (2007), Por Entre as Linhas, Portuguesa das Comunicações, Lisboa (2007), Import/Export, Fábrica, Guimarães, Portugal (2007), Antimonumentos, Galeria AH Arte Contemporânea, Viseu, Portugal (2007), MORR, Projecto 270, Costa da Caparica, Portugal (2007), Some stories on paper, Galeria Pedro Cera, Lisboa (2007), Intro, Espace Photographique Contetype, Bruxelas (2007), Rasura, Avenida, Lisboa (2007), Art Nova, Art Basel Miami Beach, Miami (2006), Busan Biennale 2006, Busan, Corea del Sur, Arquivar Tormentas, CGAC, Santiago de Compostela (2006), EDP Young Artists, Museu de Serralves, Porto (2003), Expect the World, Kunstlerhaus Bethatnien, Berlín e Museu do Chiado, Lisboa (programa de vídeo), 2003, e Video-Exchange, New York University, Nova York, 2002.