rss feed Imprime esta páxina Envía esta páxina
Presentación documental PANTOQUE, de Eduardo Armada

Presentación documental PANTOQUE, de Eduardo Armada

Datas: 
18 xaneiro 2019
Horario: 
20.00
Lugar: 
Galería 2 (planta baixa)
Prezo: 
ENTRADA LIBRE E GRATUÍTA ata completar aforo


O 16 de novembro inaugurábase, nos espazos da planta baixa do MARCO, a exposición PANTOQUE. Un proxecto creativo multidisciplinar, desenvolvido polo artista plástico Ramón Trigo e o fotógrafo e realizador audiovisual Eduardo Armada, baseado na confluencia de dous modos de narración que parten dunha mesma realidade: explorar a través da linguaxe plástica e visual o tanxible, o espazo arquitectónico e o proceso de traballo dun estaleiro, neste caso Astilleros Armada en Bouzas, Vigo.

Como actividade paralela e complementaria desta mostra, o vindeiro 18 de xaneiro estrearase, nunha das salas da planta baixa, o documental Pantoque, realizado por Eduardo Armada, que recolle toda a historia e proceso do proxecto dende o seu inicio. Será a primeira vez que o documental se proxecte como obra completa, en toda a súa duración. Na presentación e coloquio posterior participará, xunto a Armada, o artista Ramón Trigo.

Presentación/proxección documental Pantoque
Cor, 52 min
Interveñen: Eduardo Armada, Ramón Trigo

Foto de portada: Eduardo Armada (detalle)