Sarra Brill
Sarra Brill é unha cineasta e comisaria de cinema estadounidense afincada en Roma dende o ano 2003. O seu traballo comprende instalacións de cinema e vídeo e a mediación do vídeo nos eventos artísticos en directo. Tanto a súa práctica artística como a súa traxectoria curatorial céntranse no modo no que as convencións do cinema e a súa cultura se descodifican no contexto da arte contemporánea. As súas investigacións afondan nas disparidades e as similitudes entre o cinema e o vídeo de galería con respecto ao cinema experimental. En 2005, cofundou "Open Video Projects", unha ecléctica colección de películas e vídeos de artista, e segue comisariando programas de vídeo para espazos de arte contemporáneo por Italia e Europa. Na actualidade traballa nun documental de longa duración sobre o artista Poul Gernes.
