Vasco Araújo
(Lisboa, Portugal, 1975; vive e traballa en Lisboa)
A obra de Vasco Araújo caracterízase pola multiplicidade de linguaxes e medios aos que recorre para a formalización das súas ideas. Utiliza dende a pasta de modelar ata o vídeo, a instalación, a performance ou o canto lírico. Vasco Araújo realiza unha reflexión plástica sobre a identidade, que aborda a través da máscara, da transformación, da narrativa e a linguaxe. A arte é para el un lugar privilexiado para establecer relacións entre a realidade e o artificio, entre o individuo e os outros, entre a vida e a morte.
