VASCO ARAUJO E JAVIER TÉLLEZ: MÁIS QUE A VIDA
Ficha
Entrando na tempada de outono, unha coprodución coa Fundação Calouste Gulbenkian de Lisboa traerá ao MARCO a obra de Vasco Araújo e Javier Téllez. Ademais de pertencer á mesma xeración, ambos os dous artistas teñen en común certos aspectos que permiten un frutífero diálogo, como a presenza dunha dimensión psicolóxico-psiquiátrica, que pon o acento no estraño, no incómodo, naquilo que moitas veces non se quere ver ou non se está disposto a afrontar. A exposición ‘Máis que a vida’, comisariada por Isabel Carlos, mostrará unha revisión dos seus traballos, ademais de obras creadas especificamente para esta ocasión.
Comisariado
Isabel Carlos
Isabel Carlos (Coimbra, Portugal, 1962) é comisaria independente e crítica de arte, e actualmente reside en Lisboa. Comisariou, entre outras, as seguintes exposicións: Sublime (Museu do Chiado, Lisboa 1994); The Day After Tomorrow (Centro Cultural de Belém, Lisboa 1994); Mediations (Palácio Galveias y Museu do Chiado, Lisboa 1997); Eve's - Paula Soares Triennial of India, (Nova Deli, 1997); Entrada Azul - Helena Almeida retrospective (Casa de América, Madrid 1998); Trading Images - one year international exhibition cycle (Museu da Cidade, Lisboa 1998); Initiare (Centro Cultural de Belém, Lisboa 2000); Helena Almeida: Inhabited Drawings (The Drawing Center, Nova York, 2004) ou a Bienal de Sydney de 2004, e máis recentemente Por entre as linhas (Museu das Comunicações, Lisboa 2007). Fundou e dirixiu o Instituto de Arte Contemporânea (IAC) entre 1996 e 2001, dependente do Ministério da Cultura de Portugal, onde iniciou e foi responsable durante 3 anos da súa colección internacional. No ámbito do IAC, entre outras actividades relacionadas co seu cargo, organizou as representacións portuguesas da Bienal de Venecia de 2001, London Art Biennial 2000, e Bienal de São Paulo de 1996 e 1998.
