A Vivenda e a Paisaxe. Xornadas-conferencias
XORNADAS / CONFERENCIAS
- Organiza: Fundación Juana de Vega, A Coruña / Delegación COAG, Vigo
- Luns 16 marzo, xoves 26 marzo, xoves 2 abril, ás 20.00
- Salón de actos
A Fundación Juana de Vega, A Coruña, creou no ano 2004 un premio anual de arquitectura para premiar a mellor vivenda unifamiliar no espazo non urbano de Galicia. Un obxectivo principal do premio é a difusión de exemplos de vivendas axeitadas para o espazo non urbano de Galicia, que respecten o contorno e manteñan a calidade paisaxística do territorio.
Co obxectivo de debater a integración da vivenda no seu contorno natural, a Fundación Juana de Vega e a Delegación de Vigo do COAG organizan as xornadas "A VIVENDA E A PAISAXE", e a exposición "VIVENDAS DESTACADAS NOS PREMIOS JUANA DE VEGA DE ARQUITECTURA 2004-2008" que permanecerá aberta ao público na sede do COAG en Vigo do 9 de marzo ao 2 de abril de 2009.
A primeira mesa redonda das xornadas celébrase o luns 9 de marzo na sede do COAG, con ocasión da inauguración da exposición, e as tres seguintes terán lugar no salón de actos do MARCO o luns 16 de marzo, xoves 26 de marzo e xoves 2 de abril, ás 20.00 horas.