rss feed Imprime esta páxina Envía esta páxina
7 +1 Project Rooms

7 +1 Project Rooms

Textos: Justo Beramendi, Tania Bruguera, Verónica Corchado Espinoza, Yrjö Haila, Gerardo Mosquera, Matthias Muehling, Pinto & Chinto, Yoani Sánchez, Marcus Steinweg, Unabomber/Theodore J. Kacynsky

Data de publicación: 
15 marzo 2010
ISBN: 
978-84-936360-0-5
Prezo: 
20€

O catálogo da exposición foi concibido tamén dende o inicio como proxecto en si mesmo, e, debido ás especiais características da mostra e á necesidade de recoller a documentación das obras en sala, tiña que ser publicado con posterioridade. Editado polo MARCO de Vigo, e deseñado polo portugués Pedro Nora cun formato de funda-caixa transparente que contén nove volumes —un por cada artista, e o xenérico da exposición—, esta publicación trilingüe (galego, castelán, inglés) ten tamén un carácter experimental, moi en liña co proxecto expositivo e co contido social e político das obras. Así, ademais dun texto xeral do comisario, os textos incluídos no catálogo non están escritos por persoas do mundo da arte, senón por especialistas en distintos campos e disciplinas como a socioloxía, a historia, a ecoloxía, a comunicación, e mesmo a banda deseñada ilustrada, que toman como punto de partida a obra de cada un dos artistas e o seu Project Room para realizar unha reflexión nas súas diversas áreas de traballo