A Agrupación de Amigos do MARCO (AAM), en liña co comunicado emitido o pasado 11 de outubro (ver enlace), continúa coa súa campaña de apoio mediante a posta en marcha de mesas informativas que estarán situadas á entrada principal do Museo, este xoves 19 e venres 20 de outubro, en horario de 11.00 a 14.00 e de 17.00 a 21.00.

As mesas estarán atendidas por persoal voluntario da AAM, e paralelamente reforzaranse mediante lecturas públicas de textos por parte de persoas vencelladas ao mundo da cultura que quixeron colaborar nesta iniciativa, e que terán lugar dentro dese mesmo horario, a partir das 12.00 e das 19.00.

A AAM comunica que continúa activa a campaña de apoio por parte de calquera persoa ou colectivo, a través do seguinte link: https://sosmarcodevigo.wordpress.com/

Descarga: 

AAM_comunicado_SOS MARCO_gal_.pdf