A partir do martes 7 de xullo comezaron no MARCO os obradoiros infantís de verán, que intentan achegar aos máis pequenos as obras dos artistas presentes nas salas do museo. A través de percorridos por salas, e de divertidas sesións no ‘Laboratorio das Artes', os participantes traballan as súas habilidades e capacidades de observación, reflexión e interpretación da arte contemporánea.
No programa deste verán, que leva por título ‘MARCO Explorer', as actividades toman como punto de partida as obras presentes nas tres exposicións temporais -a instalación de SANTIAGO SIERRA na planta baixa, a mostra colectiva LIVING TOGETHER no primeiro andar, e o proxecto de CARLOS BUNGA no Espazo Anexo. O programa das 24 sesións está organizado en función do día da semana: os martes analízase a obra dun dos artistas presentes nas exposicións; os mércores dedícanse a xogos de construción de formas xeométricas (tetris, tamgran, mosaicos, crebacabezas...), os xoves trabállase con instalacións e coa percepción espacial, e os venres rematan cun proxecto colectivo feito por todos os participantes no taller.
Nenos/as a partir de 3 anos, sós ou acompañados de persoas adultas
Martes, mércores, xoves e venres, de 12.00 a 14.00
ENTRADA LIBRE E GRATUÍTA ata completar aforo.Hora límite de entrada: ás 12.15
Enlaces:
[1] https://www.marcovigo.com/sites/default/files/did%C3%A1ctica%20ver%C3%A1n%20web.jpg