Sinatura de convenio Fundación MARCO e Deputación de Pontevedra

Diputación_600x200.jpg [1]

Diputación_200x150.jpg [2]

Fundación MARCO e Deputación de Pontevedra asinan un convenio de colaboración para impulsar a visibilidade da muller no campo das artes.

O convenio, dotado con 50.000 euros, enmárcase no compromiso coa cultura e a igualdade cara á presenza das mulleres artistas na programación do Museo, e inclúe apoio á produción de exposicións, publicacións e actividades paralelas, e axudas específicas para adquisición de obra.

O xoves 25 de xuño tivo lugar no MARCO, Museo de Arte Contemporánea de Vigo, o acto de sinatura do convenio de colaboración entre a Fundación MARCO e a Deputación de Pontevedra, que ten como obxectivo potenciar a igualdade e a visibilidade da muller no ámbito das artes.

O convenio, dotado con 50.000 euros, procurará sufragar gastos de produción de exposicións, programación de conferencias, textos e visitas guiadas, e adquisición de obras. No acto de sinatura interviñeron a presidenta da Deputación de Pontevedra, Carmela Silva, e o presidente da Fundación MARCO e alcalde de Vigo, Abel Caballero, acompañados polo edil de Cultura Abel Losada, e o director do MARCO, Miguel Fernández-Cid.

O convenio de promoción da muller na arte reflicte o compromiso que a Deputación de Pontevedra e a Fundación MARCO manteñen coa cultura, a igualdade e a pluralidade. Esta sintonía, que xa permitiu en casos puntuais a colaboración en actividades organizadas pola administración provincial, chega agora a un novo estado para promocionar iniciativas e obras de creadoras de recoñecida traxectoria.

En concreto, as accións que permitirá desenvolver este convenio son a produción de exposicións das artistas Yolanda Herranz e Celeste Garrido; deseño, maquetaxe, edición e impresión das publicacións dedicadas a estas dúas autoras; a adquisición de obra de Sofía Madrigal e Berta Cáccamo; e a posta en marcha de conferencias, textos e visitas relacionadas coas exposicións.

Descarga: 

NP_Sinatura Convenio_FM_DEPO_25.06.20_gal.pdf [3]

NP DEPO CONVENIO MARCO VIGO.pdf [4]