rss feed Imprime esta páxina Envía esta páxina
BIBLIOTECAS HUMANAS. Historias de vida en primeira persona

BIBLIOTECAS HUMANAS. Historias de vida en primeira persona

Datas: 
11 maio 2023 - 18 maio 2023
Lugar: 
MARCO, Galería B3, 1º andar

Cinco persoas do alumnado da EPAPU Nelson Mandela, internas no Centro Penitenciario da Lama, comparten con nós unha parte das súas historias vitais, dende perspectivas distintas á norma. Da soidade da cela, onde flúen os recordos, á posibilidade de establecer unha conversa coas persoas participantes, coas imaxes do proxecto “Luz na escuridade” como pano de fondo.

Aberto ao público en xeral, e especialmente: escolares a partir de 4º ESO, Bacharelato e FP, estudantes universitarios, asociacións, grupos e colectivos interesados.

Datas e horarios:
Xoves 11 maio = 3 sesións ás 10.30, 11.30 e 12.30 / Xoves 18 maio = 3 sesións ás 10.30, 11.30 e 12.30
Previa reserva a través do email centro.documentacion@marcovigo.com

Que é unha Biblioteca Humana

O concepto de Biblioteca Humana (Human Library) foi creado no ano 2000 en Copenhague por Ronni Abergel coa intención de rematar cos prexuízos e estereotipos. Os nosos libros son persoas que comparten as súas historias a través de conversas cara a cara cos lectores. A nosa é unha biblioteca de empatía onde teremos a posibilidade de mergullarnos na experiencia doutra persoa e chegar a comprender o porqué dos seus feitos sen ter, por iso, que xustificalos. En todos os casos o obxectivo é ser lido polo maior número de persoas coa finalidade de formar individuos máis comprensivos e empáticos ou, o que é o mesmo, para ter un mundo mellor.