“Cóntame o teu”. Taller de estampación inspirado en relatos breves.

DÍA DAS BIBLIOTECAS 2021

Este ano, o MARCO adiántase ao Día das Bibliotecas (que se celebra o 24 de outubro) cun programa especial marcado pola reapertura da Biblioteca-Centro de documentación a partir do martes 19, ademais dunha sesión especial de obradoiro para adultos, e a proxección do documental “We Live in Public” como actividade complementaria do Club de Lectura, aberta tamén para público xeral.

Todas as actividades son gratuítas, logo de inscrición en función de capacidade e dispoñibilidade de prazas.

CÓNTAME O TEU. TALLER DE ESTAMPACIÓN INSPIRADO EN RELATOS BREVES

María Xosé Martínez, membro do equipo de didáctica do MARCO e autora con ampla experiencia en actividades educativas, conduce un taller de estampación dirixido a persoas adultas, no que toma como punto de partida o libro Algúns contos completos, de Domingo Villar, recentemente presentado no MARCO.

Destinatarios: público adulto (prazas limitadas a 20 participantes)

Inscricións

Exclusivamente a través do correo-e recepcion.marco@gmail.com a partir do xoves 14 de outubro.