Octavio Zaya
Octavio Zaya naceu nas Illas Canarias e vive en Nova York dende 1978. Comisario independente, é asesor do Museo de Arte Contemporáneo de Castilla y León, MUSAC; co-director da revista Atlántica, publicada polo CAAM de Las Palmas; membro do consello editorial de NKA Journal of Contemporary African Art (Cornell University, N.Y.), da publicación de arte electrónica para a web Lab 71 (N.Y.), e corresponsal de Flash Art en Estados Unidos. Foi un dos comisarios da Documenta 11 (2002) como parte do equipo curatorial dirixido por Okwui Enwezor, así como un dos comisarios da primeira e segunda edición da Bienal de Johannesburgo (1995 e 1997).
Durante o ano 2005, presentou varias exposicións: After the Revolution. Contemporary Artists from Iran (Koldo Mitxelena, San Sebastián, 2005 e Kunstforeningen, Copenhague, 2006), Carmela García: the Hole in Space (CAAM, Las Palmas, e Centro Juan Ismael, Fuerteventura, 2005), e Shirin Neshat: La última palabra (MUSAC, 2005; CAAM, 2006). Na actualidade está a preparar unha exposición dos vídeos/curtas de Jesper Just e un completo repaso das videoinstalacións de Candice Breitz. Ademais, está organizando a I Bienal de Fotografía en Petach-Tikva, Israel.
