Dende a Comisión Xestora propoñemos unha interesante saída cultural de dúas xornadas a Porto. Serán os días 24 e 25 de maio, co seguinte programa: 

O primeiro día visitaremos Santo Tirso e o Museo Internacional de Escultura Contemporánea coa arquitectura de Siza Vieira e Souto Moura, ao mesmo tempo que as esculturas espalladas por toda a cidade.
Máis información en: http://miec.cm-stirso.pt/apresentacao/

O segundo día, faremos un detallado percorrido pola impresionante colección de arte urbana de Porto, no que contaremos cun guía de auténtico luxo, Antonio Monteiro de Oliveira, profesor de universidade e gran experto na materia. No arquivo que acompaña, compleméntase a información do roteiro.

A saída será o mércores 24 de maio ás 9.15 desde o farol de Urzáiz. O custo final é de 165€ por persoa en cuarto dobre (240€ cuarto individual).

Este prezo inclúe: 

• Autobús ida e volta. 
• Aloxamento en hotel de 4 estrelas 
• Almorzo no centro de Porto 
• Seguro de viaxe en grupo. 

CONFIRMACIÓN E RESERVAS DE PRAZA: 

O límite de prazas para esta viaxe é de 25 persoas.

Data límite de reserva de praza: xoves 18 de maio,

A confirmación da viaxe farase efectiva mediante o pago do mesmo na axencia de viaxes. Aquí tendes a información da axencia:  

B travel 

Gran Vía, 31 
Teléfono: 986 42 26 11 
Correo electrónico: vgo-granvia@btravel.com  

O pago da viaxe pódese facer mediante:

1. Efectivo ou tarxeta bancaria na propia oficina
2. Transferencia bancaria (ES15 0182 4899 15 0201515004. A nome de Avoris Retail Division. Indicando no concepto: Viaxe a Porto/AAM)
3. Bizum
4. Tarxeta bancaria a distancia

Para as opcións 3 e 4 hai que enviar previamente un correo electrónico á axencia para que faciliten un enlace co que formalizar o pago.