Presentación da reedición do Ulises en galego (Editorial Galaxia) e lecturas públicas durante toda a xornada.
A actividade está organizada por Editorial Galaxia en colaboración co MARCO, coincidindo coa #MuseumWeek.
Dende a Editorial Galaxia e o MARCO convocámosvos á celebración do BLOOMSDAY este xoves 16 de xuño, nun ano no que se cumpre o centenario da publicación do Ulises, de James Joyce.
A presentación á prensa terá lugar mañá xoves ás 11.30, no salón de actos do MARCO, coas intervencións de Francisco Castro, director xeral de Editorial Galaxia, e María Alonso Seisdedos, como representante do equipo responsable da tradución do Ulises ao galego: Eva Almazán, María Alonso Seisdedos, Xavier Queipo, e Antón Vialle.
Este ano cúmprese o centenario da publicación de Ulises, de James Joyce, e na Editorial Galaxia teñen preparado unha gran festa arredor da efeméride. Con motivo desta celebración, a obra foi reeditada este ano en rústica, seguindo a primeira edición publicada en 2013, a cargo dun brillante equipo de traducción:
https://editorialgalaxia.gal/galaxia-reedita-o-ulises-de-james-joyce-no-seu-centenario/ [3]
LECTURAS PÚBLICAS DURANTE TODA A XORNADA:
Unha vez rematada a presentación dará comezo, no exterior do MARCO (rúa Príncipe) unha serie de lecturas públicas nas que pode participar calquera persoa interesada, e que estarán en marcha durante todo o día: de 12.00 a 14.00 e de 17.00 a 19.30.
O obxectivo é achegar a obra de Joyce ao público máis amplo posible. Que mellor xeito de facelo que cunha lectura colectiva ao redor do seu legado?
+ INFO
https://editorialgalaxia.gal/a-editorial-galaxia-celebra-o-bloomsday-en-vigo/ [4]
Enlaces:
[1] https://www.marcovigo.com/sites/default/files/JOYCE_600x200.jpg
[2] https://www.marcovigo.com/sites/default/files/JOYCE_200x150.jpg
[3] https://editorialgalaxia.gal/galaxia-reedita-o-ulises-de-james-joyce-no-seu-centenario/
[4] https://editorialgalaxia.gal/a-editorial-galaxia-celebra-o-bloomsday-en-vigo/