Cinco persoas do alumnado da EPAPU Nelson Mandela, internas no Centro Penitenciario da Lama, comparten con nós unha parte das súas historias vitais, dende perspectivas distintas á norma. Da soidade da cela, onde flúen os recordos, á posibilidade de establecer unha conversa coas persoas participantes, coas imaxes do proxecto “Luz na escuridade” como pano de fondo.
Aberto ao público en xeral, e especialmente: escolares a partir de 4º ESO, Bacharelato e FP, estudantes universitarios, asociacións, grupos e colectivos interesados.
Datas e horarios:
Xoves 11 maio = 3 sesións ás 10.30, 11.30 e 12.30 / Xoves 18 maio = 3 sesións ás 10.30, 11.30 e 12.30
Previa reserva a través do email centro.documentacion@marcovigo.com [3]
O concepto de Biblioteca Humana (Human Library) foi creado no ano 2000 en Copenhague por Ronni Abergel coa intención de rematar cos prexuízos e estereotipos. Os nosos libros son persoas que comparten as súas historias a través de conversas cara a cara cos lectores. A nosa é unha biblioteca de empatía onde teremos a posibilidade de mergullarnos na experiencia doutra persoa e chegar a comprender o porqué dos seus feitos sen ter, por iso, que xustificalos. En todos os casos o obxectivo é ser lido polo maior número de persoas coa finalidade de formar individuos máis comprensivos e empáticos ou, o que é o mesmo, para ter un mundo mellor.
Enlaces:
[1] https://www.marcovigo.com/sites/default/files/Biblioteca%20humana_600x200_0.jpg
[2] https://www.marcovigo.com/sites/default/files/Biblioteca%20humana_200x150_0.jpg
[3] mailto:centro.documentacion@marcovigo.com
[4] https://www.marcovigo.com/sites/default/files/Cartel_Biblioteca%20Humana%20no%20MARCO.png
[5] https://www.marcovigo.com/sites/default/files/NP_LUZ%20NA%20ESCURIDADE_BIBLIOTECAS%20HUMANAS_gal_2.pdf
[6] https://www.marcovigo.com/sites/default/files/NP_DIM%202023_MARCO_gal_0.pdf