A partir do 19 de outubro, unha vez finalizados os traballos de remodelación, adaptación de espazos e catalogación de fondos, a Biblioteca-Centro de Documentación do MARCO abre de novo ao público.
A Biblioteca-Centro de Documentación do MARCO, inaugurada en 2004 e situada no 1º andar do Museo, é un servizo gratuíto que ten como obxectivo proporcionar información bibliográfica, hemerográfica e audiovisual sobre a arte do século XXI e outros aspectos relacionados coa cultura contemporánea.
O fondo bibliográfico ascende a 6.750 publicacións que abranguen áreas como teoría da arte, filosofía, historia, pedagoxía, museoloxía, movementos artísticos ou coleccións. O corpo principal da Biblioteca son monografías, catálogos de artistas e catálogos colectivos, ademais dunha hemeroteca de revistas especializadas.
NOVO horario apertura:
Martes, de 11.00 a 14.00
Mércores, de 11.00 a 14.00 e de 17.00 a 20.00
Xoves, de 11.00 a 14.00 e de 17.00 a 20.00
Dispoñibilidade de cita previa para persoal investigador, fóra deste horario
Enviar un correo-e a: centro.documentacion@marcovigo.com [3] e esperar confirmación.
Enlaces:
[1] https://www.marcovigo.com/sites/default/files/Apertura_600x200.jpg
[2] https://www.marcovigo.com/sites/default/files/Apertura_200x150.jpg
[3] mailto:centro.documentacion@marcovigo.com