MARCO Extramuros: “Roteiro pola beiramar de Bouzas. Do peirao ao Museo do Mar”
O noso afán de coñecer mellor a nosa contorna lévanos de novo a Bouzas, por onde vos propoñemos un percorrido moi especial “Roteiro pola beiramar de Bouzas. Do peirao ao Museo do Mar”, guiado por Puri Pérez Leirós e Elena de Frutos Martínez, autoras do libro “Bouzas olladas salgadas”.
O punto de encontro será o Liceo Marítimo de Bouzas, o sábado 17 de febreiro ás 11.00, e o percorrido terá unha duración de dúas horas e media.
Bouzas, como outras vilas do litoral galego, non se pode entender sen o seu vencellamento ao mar. “Somos mar”, como di Xosé Manuel Souto falando de Vigo, e esta estreita relación dará lugar a un aproveitamento do mesmo que chega ata os nosos días en forma de diversas infraestruturas e usos que foron variando co tempo. Nesta ocasión veremos que elementos materiais e inmaterias quedan e definen este casco histórico de orixe mariñeira, así como á súa evolución actual.
CONFIRMACIÓN E RESERVAS DE PRAZA:
O límite de prazas para a visita guiada é de 25 persoas.
A efectos organizativos, pregámosvos que, por favor, vos apuntedes o antes posible enviando un mail a recepcion@marcovigo.com indicando o voso nome e apelidos.