Alicia Ventura
Alicia Ventura é doutora en Historia da Arte e músico de formación, máster en Xestión Cultural por ESADE e a Universitat Pompeu Fabra. Responsable do Programa Arteria DKV e directora da Colección de Arte DKV, dirixe tamén o proxecto cuidArt do Hospital Marina Salud de Dénia. É patrón de LABoral Centro de Arte y Creación Industrial. No marco destes programas ten comisariado decenas de exposicións; entre as máis recentes, Paisajes: Naturaleza y artificio na Lonja de Zaragoza, Arquitectura Inadvertida no MACA de Alacante, Mira Bernabeu: Panorama de Bienes y Servicios en el Hospital de Dénia e ¿A qué huele una exposición? en LABoral.
Así mesmo, desenvolveu como comisaria independente máis de 50 exposicións e múltiples proxectos: ten comisariado a exposición do 25º aniversario da Fura dels Baus, a presentación da Colección Olor Visual, así como monográficas de Angel Marcos ou Mariña Nuñez e, máis recentemente, as mostras Analogías Musicales. Pablo Palazuelo, Dual-É. Tàpies Frente a Tàpies. Foi tamén galerista en Barcelona, coordinadora da feira de videoarte Loop de Barcelona nas súas dúas primeiras edicións. Directora de exposicións do Forum Ciudad. Dende 2004 posúe unha empresa de xestión cultural, Gestión Arte Ventura, que desenvolve diferentes proxectos artísticos a nivel nacional e internacional. Imparte regularmente cursos e conferencias e ten unha ampla bibliografía de artigos e publicacións.
