Andrea Domesle
Andrea Domesle, residente en Viena, estudou Historia da Arte e Literatura Xermánica na Universidade de Munich, na Sorbona IV de París e na Universidade de Friburgo. Entre 1996 e 2001 traballou no Kunsthalle de Mannheim, no Kunstmuseum de Basilea e no Staatliche Museen en Berlín. De 2001 a 2003 foi directora artística da Kunstverein Brotfabrik Galerie en Berlín, e editora xefe da revista internacional de fotografía Eikon na cidade de Viena. Entre 2002 e 2004 realizou estudios de posgrao sobre “Xestión de exposicións e comunicación cultural” na Universidade de Artes Aplicadas de Viena. Na actualidade traballa como comisaria e crítica de arte independente, e é autora de diversas monografías e publicacións sobre a arte dos séculos XIX a XXI.
