De 1 en 2. Programa de obradoiros para público infantil e persoas usuarias de AFAGA

Organiza: MARCO, Museo de Arte Contemporánea de Vigo
En colaboración con AFAGA. Asociación de Familiares de Enfermos de Alzheimer e outras Demencias de Galicia
Destinatarios: persoas usuarias de AFAGA e público infantil de 7 a 12 anos
Colabora: Fundación "La Caixa" 
Gratuíto. Imprescindible inscrición.
NOTA: dadas as especiais características deste programa, o número de participantes está limitado a un máximo de 6 nenos/as por sesión.
Fichas inscrición dispoñibles en recepcion@marcovigo.com ou comunicacion@marcovigo.com

Continuando coa colaboración entre a área de Didáctica do MARCO e AFAGA, a Asociación de Familiares de Enfermos de Alzheimer e outras Demencias de Galicia, a partir do 23 de xaneiro retomamos o programa de obradoiros destinado a persoas maiores afectadas de Alzheimer e a público infantil que participa habitualmente nas actividades didácticas do Museo. A partir deste contacto interxeracional, experimentamos o poder da arte como ferramenta terapéutica, como reflexión individual e grupal, e como vía de socialización.

Nesta nova tempada, as actividades xiran ao redor da mostra de JUAN GIRALT (ata o 25 de febreiro), o proxecto fotográfico de JORDI BERNADÓ, e as individuais dos artistas DANIEL VERBIS e BOSCO CARIDE, ademais doutras propostas relacionadas cos espazos do MARCO e da súa contorna, e sesións que toman como punto de partida contos infantís relacionados coa percepción.

Se queres solicitar praza, non olvides enviar un email a recepcion@marcovigo.com para que che poidan enviar a ficha de inscrición.

Anímate a participar!