Mariña Carrasco Rivas
Mariña Carrasco Rivas (Vigo, 1996) é graduada en Historia da Arte pola Universidade de Santiago de Compostela. Graduada no máster Xestión Cultural e Industrias Creativas pola Universidad de Alcalá de Henares (Madrid). No ano 2018 participou nunhas xornadas sobre moda e arte medieval denominadas “Efémero”. En 2020 realizou as prácticas do máster no Museo Lázaro Galdiano, mediante visitas guiadas dirixidas a todo tipo de públicos. Nos anos 2022 e 2023 traballou en Afundación Obra Social Abanca na área de visitas guiadas e programación para grupos de escolares. Nese mesmo período deseñou e levou a cabo no Colexio Frián de Teis un programa didáctico para Educación Infantil, arredor da figura da muller a través da arte tomando como referencia a Frida Khalo; un proxecto xestionado pola Asociación Érguete.
