OBRADOIROS INTERXERACIONAIS EN COLABORACIÓN CON AFAGA
Colabora: Fundación "la Caixa"
Nos últimos anos, a área de Didáctica do MARCO, baixo o lema “MARCO inclusivo”, reforzou e ampliou a súa oferta co obxectivo de identificar necesidades, crear recursos, facilitar espazos e instrumentos para a inclusión, e chegar a públicos diversos. Neste epígrafe inclúense tanto a programación para escolares –en paralelo ás exposicións temporais, con propostas diferenciadas para cada grupo de idade–, como os obradoiros infantís, as visitas e talleres para grupos con necesidades específicas, e outros proxectos en colaboración con diferentes asociacións e colectivos. Todas as actividades son gratuítas, previa inscrición, ata completar a capacidade establecida para cada programa.
OBRADOIROS INTERXERACIONAIS EN COLABORACIÓN CON AFAGA
Programa de talleres en cooperación con AFAGA Asociación de Familiares de Enfermos de Alzheimer e outras Demencias de Galicia, destinado a persoas maiores afectadas de Alzheimer e público infantil que participa habitualmente nas actividades didácticas do Museo. A partir deste contacto interxeracional, experimentamos o poder da arte como vía de socialización, como reflexión individuao e grupal, e como ferramenta terapéutica.
