Pablo Fanego
Pablo Fanego é comisario independente de exposicións. Licenciado en Belas Artes pola Universidade de Vigo, as súas iniciativas máis recentes foron o proxecto de arte e espazo público A cidade interpretada, en Santiago de Compostela, coa participación dos artistas Nathan Coley, Hans Schabus, Roman Ondák, Jorge Barbi, Germaine Kruip, Apolonija Sustersic, Carme Nogueira e André Guedes, e a exposición individual de Alicia Framis, Secret Strike, no CGAC, Santiago de Compostela. A súa traxectoria profesional anterior está sobre todo vinculada á Fundación Luis Seoane da Coruña. Neste centro dirixiu proxectos expositivos e editoriais como Trompe-la-memóire. Historia e visualidade, A construción do espectador ou How soon is now? Tamén organizou diversos talleres e actividades relacionados coa arte contemporánea, como as xornadas Deseño das pasaxes ou Estruturas sen poder, realizadas coa participación da UIMP. Na actualidade prepara dous proxectos individuais cos artistas Ibon Aranberri e Hans Schabus.
