Virginia Torrente
Virginia Torrente (Bilbao, 1963) é comisaria independente. Entre 1988 e 1992 traballou como adxunta á dirección da galería e editorial de arte Estampa de Madrid, e de 1993 a 1999 foi coordinadora de exposicións da Colección Arte Contemporáneo de Madrid. Durante a súa etapa como Xefa de Colección e Exposicións do Museo Patio Herreriano de Valladolid (2000-2003) comisariou, entre outras, as mostras individuais de Juan Ugalde, Isidro Blasco e Jorge Barbi. De 2004 a 2006 foi comisaria responsable de Artes Plásticas da Casa de América en Madrid, cun intenso programa de exposicións individuais de artistas españois, portugueses e latinoamericanos, case todas elas concibidas e producidas para os espazos expositivos, ademais de traballar como comisaria independente noutras exposicións realizadas en diversos centros de España e Latinoamérica. Dende 1999 é comisaria adxunta do proxecto independente Doméstico —xunto con Giulietta Speranza, Andrés Mengs, Joaquín García e Teodora Diamantopoulos— que leva a cabo exposicións en Madrid en lugares habitualmente non concibidos para a arte contemporánea, traballo recollido nunha publicación editada en 2005.
