MARCO Explorer. En territorio descoñecido. Escolares

Ata o 12 de xuño continúa o programa educativo para escolares, que neste período xira en torno á exposición de Santiago Sierra nos espazos da planta baixa. Baixo o título xenérico de 'MARCO EXPLORER. En territorio descoñecido', as visitas e talleres están adaptados ás distintas idades dos participantes. Os propios escolares constrúen o diálogo coas obras partindo das súas experiencias e coñecementos previos, e do que lle suxire o contacto directo co obxecto artístico, como forma de achegamento á creación contemporánea e á obra deste artista. En función das características de cada grupo, abórdanse cuestións formais (organización, aparencia, distribución, escala, ritmo) e de contido, mediante exercicios de observación, análise, reflexión e interpretación.