rss feed Imprime esta páxina Envía esta páxina
Escoitar.org: audio hacklab vol.1

Escoitar.org: audio hacklab vol.1

Textos: Escoitar.org (Chiu Longina, Berio Molina, Horacio González, Juan-Gil López, Julio Gómez, Carlos Suárez Sánchez), Miguel Álvarez, Llorenç Barber, José Manuel Berenguer, Juan Carlos Blancas, José Luis Carles, Rubén García, Pedro Jiménez, Roc Jiménez, Francisco López, Pedro López, Carmen Pardo, Enrique Tomás

Data de publicación: 
1 marzo 2009
ISBN: 
978-84-935505-6-1
Prezo: 
10€

Tras a mostra e proxecto realizadas polo colectivo Escoitar.org, levando a cabo unha cartografía do son, concibiuse unha obra que recompilase todo o corpo teórico no que se baseaba o proxecto, que era a súa esencia mesma, e que ademais sirva como un testemuño do traballo levado a cabo. O resultado deste catálogo nos serve para atopar respostas ás cuestións máis conceptuais ou incluso abstractas sobre o tema. Deste xeito, a obra bibliográfica se mostra de forma didáctica, coma se fose un manual, pois unha das funcións que se queren acadar é a de crear un recurso de ensino.
Introdúcenos cun tema xeral adicado ao son para ter unha primeira toma de contacto co que supón este efecto sensorial e prosigue con temas máis concretos e ás veces relacionados entre si, como é o caso da paisaxe e o son ou a conciencia colectiva, tema este último que podemos vincular á obra de Karl Gustav Jung, pero aquí adaptado ao son e non á imaxe. Por último, remata con "Interferencias", onde diversos autores poñen de manifesto propostas ou conxecturas sobre os temas tratados.
A pesares de que tanto os especialistas na arte e sobre todo os profanos na materia outórganlle unha relevancia considerable ao feito visual, o catálogo presenta ao son como un valor a ter en conta xa que aínda que pase desapercibido forma parte indiscutible da nosa vida e por extensión da sociedade e da xeografía en que habitamos.