rss feed Imprime esta páxina Envía esta páxina
encabezado

Proxecto museístico

Coa apertura de portas ao público en 2002 o MARCO convertíase nun dos máis novos museos de Galicia. Se ben o seu nome e acrónimo o definen como 'Museo', o MARCO non ten colección permanente e funciona como centro de arte contemporánea, cun programa de exposicións temporais e un conxunto de actividades paralelas das que o programa educativo é unha parte esencial.

O principal obxectivo do museo é comunicar, conectar cos visitantes e, por riba de todo, crear e fomentar hábitos de consumo cultural, un reto difícil e a longo prazo. A liña de programación do MARCO céntrase en exposicións temporais, ata agora temáticas e colectivas, e que a partir do ano 2009 se completa cunha nova liña de exposicións individuais. O programa educativo -visitas e talleres para escolares, actividades para familias, obradoiros infantís de verán, cursos de adultos, visitas guiadas, talleres de artista- e o conxunto de actividades paralelas e complementarias das exposicións -xornadas, seminarios, conferencias, concertos, ciclos de cinema...- ademais dos servizos da Biblioteca-Centro de Documentación e das actividades da Agrupación de Amigos, son outros compoñentes esenciais na oferta do MARCO aos seus visitantes.

Director
Miguel Fernández-Cid
Asistente de dirección
Patricia Verdial Garay
Xerente
Martiño Nogueira Canle
Responsable de exposicións
Vacante
Coordinadora de exposicións
Pilar Souto Soto
Responsable de montaxe
Paul Edward Guy
Responsable de comunicación e didáctica
Marta Viana Tomé
Responsable de biblioteca y documentación
Iria Fernández Mouriz
Administración
Alberto Abal García